品牌故事

A:小記者          /       M:老闆 Mike
 

 


 

A:可以簡單介紹下 C.M.T 的發展嗎?



M:最初係家族生意,專做裝修工程,由父親做主力,我同哥哥做幫手。到2009年正式發展成室內設計公司,我哋先喺北角城市花園開業,到後來公司已經急需擴充地方同人手,近年先搬黎太古。

 

A:從小已經喜歡室內設計依行嗎?

 


M:原來正職並唔係室內設計師,當年日日坐辦公室的工作,做事都習慣按照既定的步驟,程序去完成,慢慢開始,希望尋求一啲突破。後來兼職幫家人傾生意,負責工程方面溝通,做做下培養到室內設計行業嘅興趣,人生多咗閱歷同見聞,從此一做冇回頭。

 

 

 


 

 

A:入行至今,到底室內設計有咩魅力?

 


M:我覺得,每到訪一個家,完成一個設計,就好似見證同陪伴一個故事的誕生咁。過程中,設身處地,代入對方的角度思考,同時訓練個人應變能力,凡事兩手準備,愈做愈好。我哋幫助客人從0到1,或者錦上添花,客人有需要就會搵我哋,幫到會盡幫,我地亦慢慢成功建立口碑。

 


A:您認為 C.M.T 創立至今,成功因素係? 

 

M:公司發展至今,我覺得係9分的用心,加1分的運氣,喺 C.M.T,我哋最為看重團隊嘅工作態度 同職業道德,大家工作環境開心,和睦相處,互相幫助,最能夠專注做好一件事。譬如我哋直屬施工團隊「君記工程」,師傅班底經驗豐富,32年來合作無間。我哋接近 9成項目經熟客轉介而來,沒有他們就沒有今天的 C.M.T。

 

 


 

A:坊間咁多室內設計嘅負面新聞,如何取得客戶信任?

M:的確,市面上傳出唔少負面新聞,例如收費不透明,海鮮價濫收費用,缺乏完善跟進服務等等,通通讓市民對設計公司懷有戒心。我們的收費則非常透明,一五一十地詳列於白紙黑字中,保證最終成果和費用與原定計劃相差無幾。

 

 

 

 


A:喺設計同裝修方面,有甚麼比較難忘嘅回憶?


M:喺香港,首當其衝係儲物空間問題,適當嘅空間規劃十分重要。細單位容錯率不大,每個細節都要計算得一絲不苟。假設梳化買多了半吋,其他東西便要逐樣改動。此外,大單位更講求空間規劃和美感。發揮空間大,但一錯又是滿盤皆落索。

 

 



A:對室內設計行業嘅未來,有咩想法?

 


M:客觀咁睇,現今網上世界,獲取知識嘅方法來得快捷而豐富,簡單而言,每個人每日都在進步。室內設計行業依行,有相當嘅發展潛力,期望未來行業能夠百花齊放,大家都喺理想中的家居愉快生活。

 

 

 

 

 


 

C.M.T Interior Design 提供全面空間規劃,廚櫃設計及裝修保養,專業設計及施工團隊合作超越30多年,獲年度最具信譽大獎。眾多設計作品如:太古城、康怡花園、康山花園、半山、私人屋苑、帝柏海灣、海之戀、獨立屋、廚櫃設計。( 太古站 A 出口步行約 5分鐘 到達 )

地址 Address:
太古英皇道 1065號 東達中心 301 及 905室Rm301, 905, Eastern Centre, Hong Kong

© 2021 by C.M.T Interior Design Ltd.